ភ្នំពេញ៖ «គ្មានភាពជោគជ័យណាដែលសម្រេចបាននោះទេបើគ្មានសន្តិភាព» នេះជាការលើកឡើងរបស់នាយករដ្ឋមន្ត្រី សម្ដេចតេជោ ហ៊ុន សែន ក្នុងពិធីជួបជាមួយនឹងសិស្សនិទ្ទេស A នៅព្រឹកថ្ងៃទី២ ខែកុម្ភៈ ឆ្នាំ២០២៣នេះ។
សម្ដេចតេជោ ហ៊ុន សែន បានរម្លឹកទៅកាន់សម័យថាដែលកម្ពុជាពោរពេញដោយសង្គ្រាមក្នុងឆ្នាំ១៩៧០ ដល់ឆ្នាំ១៩៧៥ យុវជននាសម័យនោះគឺពុំបានទទួលការអប់រំបានពេញលេញនោះទេ។ ហើយនៅឆ្នាំ១៩៧៥ បន្ទាប់ពីខ្មែរក្រហមបានកាន់កាប់ប្រទេសសិទ្ធិសេរីភាពរបស់យុវជនក៏ត្រូវបានបំផ្លាញទាំងស្រុងផងដែរ កុំថាឡើយសុទ្ធទទួលបានការអប់រំ។
សម្ដេចតេជោបានបន្តថា ទម្រាំរកបានសន្តិភាពដូចបច្ចុប្បន្នដែលនាំឲ្យកម្ពុជាមានការអភិវឌ្ឍដែលមានសាលានៅគ្រប់ភូមិ ឃុំ សង្កាត់ នៅទូទាំងប្រទេសកម្ពុជាគឺជារឿងដ៏លំបាកនឹងវែងឆ្ងាយសម្រាប់ប្រទេសដ៏តូចមួយនេះ៕
